Август ойида Ўзбекистон автомобиль бозорида савдонинг сезиларли ўсиши кузатилди, деб хабар беради Иқтисодий тадқиқотлар ва ислоҳотлар маркази. Шу билан бирга, янги автомобилларни сотиш ҳажми пасайишда давом этмоқда ва ўсиш эски автомобилларнинг иккиламчи бозоридаги фаоллик сабаб таъминланмоқда.
UzAuto Motors, «Жиззах автомобиль заводи», ADM Jizzakh, Roodell ва бошқа автомобиль ишлаб чиқарувчилар 2021 йилнинг биринчи ярмида жами 2,57 трлн сўмлик (240,9 млн доллар) божхона божлари, ҚҚС ва акциз солиқларини тўлашдан озод қилинган. UzAuto Motors автомобиллари учун бутловчи қисмлар ишлаб чиқарувчи бошқа корхоналар ҳам миллиардлаб сўмлик имтиёзлардан фойдаланган.
UzAuto Motors 2021 йилнинг олти ойида 1,9 триллион сўмлик (177,6 миллион доллар) божхона имтиёзлари ва преференцияларини олди. Гап президент ва Вазирлар Маҳкамасининг ҳужжатлари билан таъминланган божхона божи, акциз ва ҚҚС бўйича имтиёзлар ҳақида кетмоқда.
Ўзбекистонда 7 ой ичида 124,9 минг дона — ўтган йилнинг шу даврига нисбатан 25,9 фоизга кам автомобиль ишлаб чиқарилди. Nexia ва Spark моделларини ишлаб чиқаришда энг кўп тушиш қайд этилди.
Швециялик Бу Андерссон UzAuto Motors бош директори этиб тайинланди. Илгари у «Группа ГАЗ», «АвтоВАЗ «президенти ва Yazaki`нинг Европа бўлими бошлиғи бўлиб ишлаган.
Ўзбекистонда ишлаб чиқарилган автомобиллар экспортга ички бозорга нисбатан 30−40 фоиз арзонроққа сотилган, дея таъкидлади президент. Унинг сўзларига кўра, келгусида рақобат муҳитининг шаклланиши, Тошкент, Наманган ва Жиззах вилоятларида янги заводлар қурилиши натижасида автозавод ўз фаолиятини тубдан қайта кўриб чиқишига тўғри келади.
Ўзбекистон 2021 йилнинг январь-июль ойларида 194 млн долларга енгил автомобиль экспорт қилди. Экспортнинг қарийб 94 фоизи Қозоғистон ҳиссасига тўғри келди, иккинчи ўринда — Афғонистон.
UzAuto Motors компанияси Spark учун шартнома тузишни қайта тиклади, янги шартномалар бўйича автомобилларни етказиб бериш 2022 йилнинг февралидан бошланади.
Олти ой якунлари бўйича UzAuto Motors ишлаб чиқариш ҳажми 24 фоизга камайганига қарамасдан, соф даромадини қарийб 70 фоизга — 902,6 млрд сўмга (84,6 млн доллар) оширишга муваффақ бўлди.
UzAuto Motors Давлат йўл ҳаракати хавфсизлиги инспекцияси билан автомашиналарини рўйхатдан ўтказиш учун маълумотлар базасини синхронлаштирмоқда. Бу автомобилларни харид қилиш ва сотишдаги ноқонуний хатти-ҳаракатларнинг олдини олишга қаратилган. Компания маълумотларига кўра, баъзи шахслар ўз навбатини пуллаш мақсадида машина сотиб олиш бўйича 10, 20 ва ҳаттоки, 200 та келишув шартномаларини тузган.
UzAuto Motors январь-май ойларида Қозоғистонда 11,7 минг дона автомобиль сотиб, савдо ҳажми бўйича биринчи ўринга кўтарилди.
UzAuto Motors катта миқдордаги пўлат листлар Россиядан олиб келинаётганда йўқолганини маълум қилди. Талон-торож қилинган ушбу листлар 2000 дан ортиқ Nexia-3 автомобилининг кузов қисмларини ишлаб чиқаришга етар эди, дея аниқлик киритди компания.
Шимолий Қозоғистон вилояти полициясига 86 та янги Cobalt автомобили топширилди.
«Миллий тикланиш» партияси раҳбари Алишер Қодиров UzAuto Motors масаласида: «Муаммо автомобиль қимматлигида эмас, балки одамлар кам пул ишлаб топишида», — дея таъкидлади. Унинг фикрича, «одамлар ҳалол ишлаб топган пулларига сифатли автомобиль сотиб олишга ҳақли». Бироқ, депутат ҳозирча божхона божи бекор қилиниши тарафдори эмас. «Биз ўзимизни одамларни автомобиль саноатини қўллаб-қувватлашга мажбур қилаяпмиз», — деди у.
Депутат Расул Кушербаев UzAutoMotors машиналари «пачоқланиб» кетаётганликлари уларнинг хавфсизлик жиҳатидан яхши жиҳозланмаганлигида эканлигини таъкидлади. «Илгари одамларни темир ўлдирган бўлса, ҳозир пластмасса ўлдиряпти. Автомобиллар агар шунчалик яхши чиқаётган бўлса, нимага ҳалигача ўлим хавфи кўпайиб бормоқда?», — деди депутат. Автомобиль йўллари бўйича мутахассис Орифжон Назаров машиналар сифатини танқид қилишдан кўра, ҳайдовчилар маданиятини ошириш кераклигини таъкидлади.
UzAuto Motors янги автомобиллари учун кўп минг кишилик навбатлар юзага келди. Тармоқларда «шапка тизими» қайтгани ҳақидаги хабарлар тарқалди. Компания айрим дилерлар микрочиплар бозоридаги вазиятдан фойдаланишга ҳаракат қилаётганини маълум қилиб, ноқонуний ҳаракатлар ҳақида хабар беришга чақирди.
Депутат Расул Кушербаев UzAuto Motors Антимонополия қўмитасини «фақат қоғозда» мағлуб этди, деб ҳисоблайди. Унинг сўзларига кўра, компания одамларнинг ишончи ва ўз имижини йўқотган. Депутат, шунингдек, ушбу жараён мисолида судларнинг қандай ишлаши ва тизим монополияларга қарши қандай кураш олиб боришини кўриш мумкинлигини таъкидлади.
UzAuto Motors Лондон фонд биржасида ўзининг биринчи халқаро эвробондларини чиқарди. Буюртмалар ҳажми 1,4 млрд долларни ташкил этди. Облигациялар Буюк Британия, АҚШ ва Германиянинг 130 га яқин инвесторлари ўртасида тақсимланди.
UzAuto Motors бош директор вазифасини вақтинчалик бажарувчи сифатида фаолият юритиб келаётган Рустам Ражабов расман компания бош директори этиб тайинланди.
UzAuto Motors заводидаги ишлаб чиқаришнинг январь ойидаги кескин тўхташидан сўнг автомобилларни ишлаб чиқаришни ўтган йилги кўрсаткичларига етказа олганича йўқ. 2021 йил февраль ойида ўтган йилнинг шу ойига нисбатан 9 873 та автомобиль кам ишлаб чиқарилган, март ойида эса 4543 тага камроқ. Энг кўп чиқарилган автомобил модели — Cobalt, энг кам ишлаб чиқарилган модель Spark.
Қўшимча имкониятларга эга булиш учун сайтда рўйхатдан ўтинг